Partia Socialiste ka publikuar sloganin për zgjedhjet vendore të 30 qershorit.
“Bashkia që duam për Shqipërinë që duam 30 qershor” është slogani që publikohet një ditë para çeljes zyrtare të fushatës zgjedhore nga PS.
Numri në fletën e votimit të kësaj force politike është 30. Ndërkohë, opozita e bashkuar ka bojkotuar zgjedhjet vendore, me arsyetimin se nuk mund të ketë zgjedhje me Ramën kryeministër.
Sa i takon krizës politike, edhe presidenti Meta është shprehur i gatshëm që jo vetëm të dekretojë një tjetër datë për zgjedhjet, por edhe të lërë mandatin në kuadër të zgjidhjes së kësaj krize.
