Partia Socialiste duket se nuk ka të ndalur me kërkesën e saj për kryebashkiakët me tre mandate.Pas KQZ e cila e rrëzoi propozimin e kësaj force, pritet që t’i drejtohet Kolegjit Zgjedhor.
Partia Socialiste do t’i drejtohet Kolegjit Zgjedhor, për të ankimuar vendimin e marrë nga Komisioni Qendror i Zgjedhjeve, i cili nuk përjashtoi nga kandidimi kryetarët e bashkive që kanë më shumë se tre mandate në drejtimin e njësive vendore.
Pas diskutimeve, KQZ e hodhi në votim propozimin, i cili mori 4 vota pro dhe 1 kundër. Propozimi nuk u miratua pasi kërkon së paku 5 vota pro, pasi ishte akt normativ që votohej me 3/5 e anëtarëve të KQZ-së.
Partia Socialiste është vënë në lëvizje për të mos lejuar kandidimin në këto zgjedhje vendore të kryetarëve të bashkive, që kanë më shumë se tre mandate. Më herët u diskutua në Komisionin Qendror të Zgjedhjeve një propozim i mazhorancës, e cila kërkonte të bënte disa shtesa dhe ndryshime në ligjin për qeverisjen vendore të miratuar në vitin 2015.
Ky ligj e përcakton se kryetari i bashkisë mund të ushtrojë vetëm tre mandate të njëpasnjëshme në krye të bashkisë. Ai mund të ketë të drejtë të rikandidojë vetëm pas një shkëputje. Por edhe pse ligji ka ekzistuar, interpretimet që i janë bërë prej kryebashkiakëve, kanë qenë të tilla që i hapnin shteg kandidimit të tyre, pra të kryetarëve me më shumë se 3 mandate, edhe në këto zgjedhje të 2019. Për t’i dhënë një zgjidhje kësaj situate, mazhoranca propozoi disa ndryshime, të cilat penalizonin kryebashkiakët që kanë gëzuar 3 mandate.
Ja emrat që ka nxjerrë Instituti i Studimeve Politike, teksa ka shkruar pak kohë me parë për mandatet e kryebashkiakëve.
