Sekretari për Marrëdhëniet me Shoqërinë Civile dhe Mediat në PS, Alfred Peza, ka sulmuar ashpër gazetën gjermane “Bild”, pas publikimit të përgjimeve.
Me anë të një komenti në Facebook, Peza shprehet se ‘Bild’ është një ‘gazetë bulevardeske’, jo serioze dhe aspak profesionale.
Sipas tij, përcaktimi ‘gazetë bulevardeske’ i është vënë nga DW, ndërsa sqaron se termi nuk nënkupton një gjë identike me “lavire bulevardi”.
Statusi
Ja si e quan sot “DEUTSCHE WELLE” gazetën “BILD”:
“Këto ditë GAZETA BULEVARDESKE gjermane “Bild” publikoi një tjetër seri përgjimesh të Prokurorisë në Shqipëri, lidhur me blerjen e votës nga PS, në zgjedhjet parlamentare 2017.”
Për profesionistët e medias me “gazetë bulevardeske” nuk kuptohet domosdoshmërisht, një gjë identike me “lavire bulevardi”. Gjëja e parë që të shkon në mendje kur dëgjon një përcaktim të tillë është se kemi të bëjmë me një media jo serioze dhe jo profesionale! Aq më tepër kur këtë e thotë “Deutsche Welle”, media publike më e besueshme në Gjermani.
