Ish-deputeti i Partisë Demokratike, Tritan Shehu me anë të një statusi në “Facebook” ka komentuar protestën e zhvilluar nga opozita e bashkuar ditën e djeshme.
Shehu shkruan se protesta e djeshme ishte më e rëndësishmja në historinë e demokracisë sonë, ndërsa sjell në vëmendje datën e protestës së radhës, e cila do të mbahet më 31 maj, datë kur mazhoranca hap fushatën elektorale.
“Mire u takofshim me datë 31; do jemi me shumë se “frika është vrarë”, autokracia po fundoset”, shkruan Shehu.
Postimi i plotë nga Tritan Shehu:
Frika është vrare”!
Dje ishte një proteste mbare popullore, qe tejkaloi mesazhet e numrat.
Ishte nga protestat me te rëndësishme ne historine e demokracise sone, jo thjesht per nga dimensionet me burra e gra, djem e vajza, punonjes, studente e te pa pune, nga Tirana e gjithe Shqiperia.
Qarku i Gjirokastres ishte aty ne menyre impresionuese, mbi numrat qe priteshin dhe qe udhetuan se bashku.
Edhe te tjere Gjirokastrite, Tepelenas, Kelcyriote, Dropullinj, Libohovite, Memaljote, Permetare te ardhur individualisht, studente e banues ne Tirane a Durres ju bashkuan te pareve, duke “thyer” numrat e deklaruara e ngritur vendosmerine.
Te rinjte nga Picari, qe mbreme u ndaluan padrejtesisht nga policia nuk u lekunden deri sa u liruan e u nisen drejt vendbanimit me shoket qe i pritnin.
Kjo ishte tablloja e mbremeshme edhe per ate Qark, tabllo qe disave i shkakton “mornica”, duke u bere qesharake nga ”publikimet” e tyre.
Faleminderit te gjitheve, atyre qe erdhen dhe atyre qe na mbeshten prej andej.
Mire u takofshim me date 31; do jemi me shume se “frika eshte vrare”, autokracia po fundoset.
Me poshte keni foto vetem te nje prej grupeve te atij Qarku ne ecje drejt Bulevardit, ku u takuan te gjithe.
