Dita e sotme shënon 28-vjetorin e Partisë Socialiste. Në vitin 1991, Partia e Punës ndryshoi emrin në Partia Socialiste, e cila u udhëhoq nga Fatos Nano.
Këtë ditë të rëndësishme për socialistët e ka kujtuar dhe Elona Agolli, vajza e shkrimtarit të njohur, Dritëro Agolli.
Përmes një statusi në “Facebook”, Elona sjell në vëmendje ditën kur babai i saj mbështeti krijimin e PS-së, ndërsa tha se “nuk rrahu gjoksin për këtë datë fitore”.
“Kur mban një fjalim, më mirë të përcillesh me të shara sesa të tallura.” – kështu thoshte im atë atë pasdite të vonë , 28 vite të shkuara , dita që solli fundin e palavdishëm të Partisë së Punës. Sot, nga më të shumtët socialistë , kjo datë kujtohet si dita e krijimit të Forcës së reformuar të të majtës socialiste . Kurse ai i miri dhe i mençuri babai im , përgjatë shumë viteve nuk rrahu gjoksin për këtë datë fitore. Ndoshta, pasi siç thoshte me të qeshur: Kush rreh gjoksin, tremb zemrën”, shkruan Agolli.
