E hënë, 1 Mars, 2021
17 C
Tirana

Ku shkoi vëllazëria mes Kosovës dhe Turqisë? Çfarë ndodhi në miqësoren e U21

Skandali është denoncuar nga trajneri i 21-vjeçarëve të Turqisë, Vedat Incefe, i cili ka akuzuar si shkaktarë të dhunës anëtarët e sigurisë.

Në një video të shpërndarë nga mediat kosovare, trajneri turk, shfaqet duke kërkuar llogari para përgjegjësve të stadiumit, duke denoncuar rastin në fjalë.

Trajneri i Turqise U21 on Vidnews.

“Nuk mund ta pranoj sulmin ndaj lojtarit tim. Një person i sigurimit e ka shtyrë, e ka futur brenda e ka rrahur me grushte portierin. Kërkoj të dijë pse ndodhi kjo? Është e pafalshme, ku shkoi vëllazëria mes Kosovës dhe Turqisë? Pse duhet të ndodh? Më gjeni personin që e bëri këtë”, ishin fjalët e trajnerit.

Por prapaskena e gjithë ngjarjes tregon gënjeshtrën e madhe të turqve. Sigurimi jo vetëm që nuk kishte goditur lojtarin kundërshtar, por kishte rënë pre e një idiotësie. Kamerat dhe UEFA kanë konfirmuar se pas pësimit të golit të tretë, portieri rezervë i turqve ka goditur me dëshpërim një shishe, e cila përfundoi duke goditur një prej pjesëtarëve të sigurimit. Kjo është ajo që raporton “KosovaPress”, ndërsa tashmë priten dënime të mëdha për miqtë që jo vetëm bëjnë gabime të mëdha dhe sillen në mënyrë të papranueshme, por preferojnë të mbajnë edhe fjalime mbi moralin.

Trajneri i Turqisë U-21, Vedat Inceefe, ka dhënë gjithë versionin e tij të ngjarjes për atë që ndodhi në “Fadil Vokrri” për mediat vendase pas mbërritjes në atdhe.

“Nëse do të flasim për ndeshje, atëherë ne nuk kemi treguar sakrificën që duhej. E kemi nisur vërtet shumë keq, më pas arritëm të barazonim. Na ndëshkuan me kundërsulme dhe nuk treguam efektivitetin e duhur.

Sa i përket incidentit, jemi inatosur shumë për atë që ndodhi. Portieri ynë rezervë goditi një shishe ujë në nerva e sipër. Më pas vjen një pjesëtar e sigurimit që e shtyn atë për t’u ulur në pankinë. Kjo nuk është puna e tyre njëherë. Ata kanë gjyqtarin e katërt që t’i japin udhëzimet e nevojshme. Në Kosovë gjetëm një ambient paksa më ndryshe nga çfarë ishim përgatitur. Ne e duam Kosovën përsëri.  Në fund na kërkuan falje për të mbyllur gjithçka”, ka thënë trajneri i Turqisë U-21.

- Reklama -

Më shumë nga kategoria




Të fundit

Koronavirusi: Regjistrohen 986 raste të reja dhe 19 viktima

Kurba e koronavirusit në Shqipëri vijon të mbetet e lartë, pasi në 24 orët e fundit janë regjistruar 986 raste të reja. Ndërkohë, 19 persona...

Video/ Shkëputet masa gjigande e akullit në Antarktidë

Një ajsberg i madh që i afrohet madhësisë së Londrës së Madhe është shkëputur nga Antarktida, afër stacionit kërkimor Halley të Britanisë. Instrumentet sipërfaqësore në...

SHBA/ Gjykata gjobit me 65 milion dollarë rrjetin social Facebook, ja arsyeja

Një gjykatës federal ka aprovuar një gjobë prej 650 milion $ të një procesi gjyqësor mbi privatësinë kundër Facebook për pretendimin e përdorimit të...

Basha pyet qytetarët: Nuk jeni të kënaqur me drejtuesit? Ndërrojini (Video)

Kryetari i Partisë Demokratike, Lulzim Basha ka publikuar një video në rrjetin social, Facebook, ku i këshillon qytetarët që t'i ndërrojnë drejtuesit e tyre...

Ndryshimi i klimës, po bën që sezonet e alergjive të nisin më herët

Kokrrat e polenit nga bimët që lulëzojnë, fluturojnë zakonisht edhe qindra kilometra përmes erë. Tani duket se kriza e klimës e ka përshpejtuar udhëtimin...