Partia Socialiste Elbasan, akuzon LSI-në dhe veçanërisht bashkëshorten e Ilir Metës, Monika Kryemadhin se kanë angazhuar nje rrjet njerëzish me precedent penal, për të provokuar e penguar votuesit.
Në një deklaratë të degës së PS-së Elbasan thuhet: “Partia Socialiste Elbasan, shpreh keqardhjen për sjelljen skandaloze të Presidentit të zgjedhur Ilir Meta, po edhe të bashkëshortes së tij që në qarkun e Elbasanit po bën të njëjtën gjë, si i shoqi në gjithë Shqipërinë. Monika ka angazhuar njw rrjet njerezish me precedente penale, per te provokuar e penguar votuesit e tjere. LSI Elbasan është kthyer në një subjekt antiqytetar njerëzish që vetëm shajnë e fyejnë rrugëve kë të munden.”
Më tej PS i bën thirrje “cilit do zgjedhës me te drejte vote, te marre pjese masivisht ne votim dhe t’i konsideroje keto shfaqje tragjikomike te degradimit te LSI, nje simptome te qarte te rendimit psikologjik te Ilir Metes e te bashkeshortes se tij. Cifti presidencial, nuk mund, nuk duhet dhe nuk do t’ia prishe dot kete feste demokratike Elbasanit dhe mbare Shqiperise.”
