Një tjetër provokim ka ardhur nga Beogradi në drejtim të Kosovës. Këtë herë nga Patriarku i Kishës Ortodokse Serbe, Irinej, në urimin e tij për Krishtlindje. Në mesazhin e tij urues për festën e Krishtlindjeve, ai ka folur dhe për Kosovën duke e quajtur “Serbi e Vjetër”.
“Besimi Ortodoks duhet të ruhet dhe të ruhet me çdo kusht, dhe ne nuk duhet të harrojmë Serbinë e Vjetër, gjegjësisht Kosovën dhe viktimat e vendeve të tjera të ekzekutimit”, ishte porosia kryesore e patriarkut Irinej në letrën e tij për Krishtlindje.
Për të, Kosova është pjesë e qenies kombëtare të Serbisë.
“Kudo, pra, zbatohet rregulli i trajtimit të vetvetes dhe të tjerëve në një mënyrë të butë, të vërtetë dhe sakrifikuese. Ne nuk duhet të harrojmë Serbinë tonë të Vjetër, pra Kosovën të cilën duhet ta trajtojmë si mendim, fjalë dhe trashëgimi të besëlidhjes serbe dhe të pandashme nga qenia jonë kombëtare”, ka thënë Irinej.
