Protesta e radhës nga ana e opozitarëve shpërtheu në flakë, ndërsa qytetarët kishin marrë të gjithë ‘armatimin’, duke shfryrë dufin ndaj klasës politike. Seanca vijoi procedurat normalisht, e jashtë saj situata ishte tejet kaotike. Pa filluar mirë protesta, u shënua edhe incidenti i parë që kishte lidhje me ministrin Blendi Klosi.
Teksa kaluan këto trazira, një koment i shkurtër ka ardhur nga vetë Klosi, teksa ka qenë i pranishëm në aktivitetin në Rinas “Be taken by ALBANIA”, së bashku me ambasadorin e BE-së, Luigi Soreca dhe ambasadorin e Zvicrës, Adrian Maitre.
I pyetur nga një gazetar nëse u shty nga një protestues, ministri Klosi pa dashur të komentojë ngjarjen, u shpreh se videoja është më e bukur.
Gazetari- Ju shtynë protestuesit?
Klosi– Merruni me videon, është më e bukur.
