Në mbyllje të fjalimit të tij, kryedemokrati Lulzim Basha u ka kërkuar protestuesve që të ndezin blicet e celularëve dhe ta ndjekin atë.
Kështu, teksa ka mbyllur fjalimin e tij, Basha së bashku me protestuesit janë nisur drejt Kuvendit, një zakon tashmë i protestave të opozitës.
Përgjithësisht situata ka qenë më e tensionuar te Kuvendi, ku protestuesit janë përplasur shpeshherë me policinë, ndërsa këtë herë pritet të shohim nëse do të përsëritet i njëjti skenar.
Kujtojmë që thirrjet e liderëve të opozitës për paqe kanë qenë më të shumta në këtë protestë.
