Sot të rinjtë e Forumit Rinor të Paritë Demokratike dhe Lëvizja Rinore për Intergrim zhvilluan një protestë pranë shtëpisë së kryeministrit Edi Rama në Surrel kundër taksës në Rrugën e Kombit. Të rinjtë e FRPD dhe LRI vendosën traun pranë shtëpisë së Ramës me mbishkrimin “dalja falas”.
Një protestë e të rinjve që përfaqësojnë opozitës mbi vendimin e qeverisë për të vendosur taksë në rrugën e kombit. Ajo që ka alarmuar dy përfaqësuesit e forumeve rinor të Pd-së dhe LSI është mënyra sesi u trajtuan nga policia e shtetit. Edhe pse sipas tyre nuk ndërmorën asnjë akt që nuk është në përputhje me një protestë krejtësisht paqësore.
Por gjatë protestës kryetarja e LRI, Floida Kërpaci u fut në makinë e policisë, ndërsa Këllici e ka ndjekur t’u shoqëruar e dy në komisariatin numër 4, por me pas janë lënë të lirë në Linzë, pasi sipas tyre shefi mori urdhër politik për lirimin.
Kryetarja e LRI: Floida Kërpaci
Jemi live para kryeministrisë për të bërë një deklaratë mbi protestën që u zhvillua sot. Ajo që ndodhi ishte një skenë e shëmtuar. Ne vendosëm një tra afër banesës së kryeministrit për të treguar se ai nuk mund të bëjë ç’të dojë. Të rinjve të FRPD dhe LRI iu morën kartat e identitetit për t’i proceduar. Unë nuk mund të lejoja që ata të procedoheshin dhe kërkova që të më procedonin mua dhe Blendin si organizatorët e protestës. Unë u shoqërova.
Kryetari i FRPD, Belind Këllici:
Ky është një moment i rëndë, pasi shefi i policisë së komisariatit erdhi aty me urdhër politik. Flodia u fut në makinën e policisë, ndërsa mua më dhanë urdhër që të shkoja nga pas deri në komisariatin numër 4 pasi do procedohemi sepse paskemi shkatërruar rendin publik. Në atë moment shefit i vjen një urdhër politik për të nda ndaluar. Na zbritën në Linzë dhe na njoftuan se do na njoftojnë sërish prapë në komisariat.
