Policia ka shoqëruar 3 aktivistë të Shoqërisë Civile të cilët po zhvillojnë një protestë pranë kryeministrisë, kundër vendimit për mbajtjen e maskës me detyrim.
Mes personave që janë të revoltuar për maskat është edhe deputeti Kujtim Gjuzi, të cilit i kanë kërkuar që të largohet nga tubimi.
“Kjo është vrasje, kjo është vdekje. Kjo është faza e fundit e axhendës për shpopullimin e shqiptarëve. Maskat janë hap i parë për të demonstruar nënshtrimin”, tha avokati Altin Goxhaj.
Ditën e sotme ka hyrë në fuqi vendimi që maskat të mbahen me detyrim në çdo ambient jashtë shtëpisë.
Nëse ky vendim nuk zbatohet, qytetarët do të marrin masë ndëshkimore 30 mijë lekë të vjetra që do të zbatohet në faturën e energjisë elektrike.
