Banorët e zonës së Astirit kanë dalë sërish në protestë. Ndryshe nga herët e tjera, në këtë protestë janë forca të shumta jo vetëm të policisë së rendit, por edhe të Forcave të Ndërhyrjes së Shpejtë. Këto masa janë marrë, për të mos i lejuar banorët të bllokojnë rrugën kryesore, në të dy kahet e saj në zonën e “Unazës së Re”.
Ish-deputeti i Partisë Demokratike, Klevis Balliu, ka dalë në mbështetje të banorëve të Astirit. Ai tha se protestat do të vijojnë çdo ditë, pavarësisht pranisë së shtuar të policisë.
“Nuk i marr leje për trotuar njeriu”, tha Balliu, duke ju përgjigjur kështu veprimit të policisë, që deri më tani nuk i ka lejuar banorët që të dalin në mes të rrugës.
