Dy ditë para protestës së opozitës së bashkuar, ambasada e SHBA-së në Tiranë ka porositur të gjithë qytetarët e saj që jetojnë në vendin tonë, që të shmangin lëvizjen në zonat ku do të protestohet.
Në apelin në fjalë citohet se grupi synon të demonstrojë kundër qeverisë shqiptare, dhe mund të lëvizë në vende të ndryshme në Tiranë. Po kështu, kohëzgjatja e protestës është e panjohur.
“Një protestë e madhe pritet të zhvillohet pranë Zyrës së Kryeministrit më 2 qershor 2019, duke filluar rreth orës 7:00 të mëngjesit. Grupi synon të demonstrojë kundër qeverisë shqiptare dhe mund të lëvizë në vende të ndryshme në Tiranë.
Kohëzgjatja e demonstratës së pritshme është e panjohur. Protestat e kohëve të fundit kanë përfshirë dhunën. Forcat e sigurisë kanë përdorur ujë dhe gaz lotsjellës për të shpërndarë turmat”, thuhet në njoftim.
Personeli i Ambasadës së SHBA-së dhe anëtarët e familjes janë porositur të shmangin të gjitha pikat e grumbullimit, dhe vendet ku protestat zhvillohen.
Rekomandohet
– Të shmangen grumbullimet e mëdha dhe vendet ku demonstratat janë të pashmangshme ose të vazhdueshme.
– Jini të vetëdijshëm për mjedisin tuaj.
Monitorimi i mediave lokale për përditësime.
-Mbani një profil të ulët
Pas protestës së të shtunës së kaluar, tubimi i radhës pritet të jetë edhe më masive. Opozita kërkon largimin e kryeministrit Edi Rama, dhe krijimin e një qeverie tranzitore që do të çojë vendin në zgjedhje të parakohshme.
