Policia reagoi në mënyrë zyrtare lidhur me numrin e personave të arrestuar për protestën e së shtunës. 15 është numri i personave të prangosur në të gjithë vendin, lidhur me dhunën që shpërtheu dje në protestën e opozitës para Kryeministrisë.
Pas analizimit të pamjeve filmike dhe provave të mbledhura, u arrestuan 15 protestues. Mes të arrestuarve është edhe ish-kreu i Policisë Bashkiake të Tiranës, Florenc Hoxha.
Ai ndodhet në Drejtorinë e Policisë në Tiranë, ku u kap edhe nga kamerat të ishte i pranishëm në protestën e opozitës, teksa është filmuar edhe në shkallët e Kryeministrisë, pas çarjes së kordonit të forcave të policisë.
