Ditën e sotme Policia bëri me dije se ka arrestuar 7 persona të cilët morën pjesë në protestën e djeshme, në mbrojtje të Teatrit Kombëtar.
Ndërkohë së fundmi janë bërë publik emrat e tyre: Bolken Abazi, Kastriot Qemaj, Sokol Ndoj, Romeo Lila, Endrit Mertiri, Burim Tafilica, Edjon Xhoxhaj.
Ata kanë përfunduar në pranga për kundërshtim të policëve dhe grumbullim të paligjshëm.
Mes tyre bie në sy dhe emri i Kreut të Vetëvendosjes në Tiranë, Boiken Abazi i cili jo vetëm ishte prezent dhe mbështeti protestën, por edhe mbajti një fjalim.
Sipas njoftimit të policisë, gjatë protestës janë lënduar edhe shtatë efektivë.
Kujtojmë se sot në orën 16:30 opozita e bashkuar do t’i bashkohet protestës së thirrur nga Aleanca për Teatrin.
