Ilir Meta sapo u emërua president i Republikës së Shqipërisë, por zgjedhja e tij ka hasur në kundërshtimet e para, pak minuta pas emërimit.
Janë Alida Karakushi, Andi Tepelena dhe Martin Gjonaj, aktivistët të cilët po protestonin para Kuvendit kundra votimit të Presidentit, të cilët sapo janë arrestuar nga policia dhe po dërgohen në komisariatin nr 1.
“Kanë ndaluar 3 shokët e mi më të mirë në komisariatin numër 1. Alida Karakushi, Andi Tepelena dhe Martin Gjonaj janë ndaluar se janë super shqiptarë, sepse guxuan. Sot para parlamentit dolën me parulla kundër mafies. I lutem çdo shqiptari dinjitoz, të vij me mua e të jemi pranë tyre. Mirë se vini në atdheun e mafies” – deklaroi një aktiviste.
