Pas thirrjes dhe mesazheve të qarta nga ana e kryedemokratit Basha, dhe ish-ministrit Malaj, apeli i radhës në shenjë këmbane alarmi vjen nga ana e kreut të Shtetit.
Presidenti Meta e ka cilësuar si një ngjarje të shëmtuar dhe të turpshme. Po kështu, Meta ka apeluar ndaj Policisë së Shtetit që të respektojnë artistët, dhe të mos i dhunojnë.
“Rrethimi me policë i Teatrit Kombëtar dhe përplasjet fizike me komunitetin e artistëve, të cilët janë aty në mbrojtjen e një prej vlerave të trashëgimisë tonë historike, kulturore e kombëtare, janë një ngjarje e shëmtuar dhe e turpshme.
I bëj thirrje Policisë së Shtetit të respektojë artistët, dhe të mos i dhunojë ata fizikisht në ushtrimin e së drejtës së tyre për të protestuar ndaj një vendimi abuziv e korruptiv për prishjen e godinës së Teatrit, dhe as t’i lëndojë ata shpirtërisht, në respekt të dinjitetit njerëzor dhe kontributeve të vyera që kanë dhënë për artin e kulturën kombëtare.
As sampistët e Ramiz Alisë nuk e kanë prekur me dorë Edmond Budinën në dhjetor ’90!
Shumë turp! Shumë turp! Shumë turp!”, shkruan Meta në Facebook.
