Të arrestuarit në qytetin e Kukësit vijojnë të jenë të izoluar nga policia, ndërkohë para ambienteve të saj kërkohet lirimi i tyre. Policia e Tiranës ka marrë të gjithë masat e mundshme për të qenë në gatishmëri të plotë, pasi pritet përshkallëzimi i saj. Familjarë të shumtë të të arrestuarve dhe qytetarë vijojë të qëndrojnë para Drejtorisë së Policisë së Tiranës.
Policia e Tiranës ka kaluar në gatishmëri për shkak të protestës së qytetarëve e familjarëve të të arrestuarve në Kukës. “BalkanWeb” duke iu referuar burimeve nga policia shkruan se 6 komisariate të kryeqytetit do të jenë në gatishmëri.
Urdhri për gjendje gatishmërie është dhënë për shkak të dyshimeve se mund të ketë përshkallëzim të protestës. Policia e Shtetit ka kryer gjatë natës së të shtunës duke u gdhirë e diel dhjetëra ndalime në Kukës dhe të gjithë personat janë sjellë në Tiranë.
Kundër ndalimeve, familjarë dhe qytetarë të tjera kanë nisur protestën prej ditës së djeshme para Drejtorisë së Policisë së Tiranës.
