Kryetarja e Lëvizjes Socialiste për Integrim, Monika Kryemadhi ka kërkuar sot përjashtimin e kryeministrit të vendit Edi Rama nga Parlamenti, pas deklaratave të tij. Kryemadhi e quan fjalorin e kryeministrit të denjë për një rrugaç, e përçmues ndaj vëllezërve kosovarë prandaj edhe kërkoi përjashtimin e tij.
Çdo përpjekje e kryeministra për të delegjitimuar dhe për të kërcënuar protestuesit shkon në kurriz të gjithë shqiptarëve.
Fjala e tij përpara shqiptarëve nuk është fyerje vetëm për veriorët por për gjithë shqiptarët. Ne sot distancohemi dhe dënojmë fjalorin prej një rrugaçi për vëllezërit tanë kosovarë. Në Kuvend ne do të kërkojmë përjashtimin e Ramës për këtë arsye, për sjelljen e kryeministrit për qytetarët. Thirrje prokurorisë të jenë të kujdesshëm dhe të zbatojnë ligjin. Ne po ndjekim situatën dhe opozita e bashkuar është në kontakt me protestuesit,” deklaroi Kryemadhi.
