Banorët e Sharrës janë akoma në protestë për të kërkuar të drejtën e tyre lidhur me shembjen e 153 banesave që preken nga projekti i rehabilitimit të lumit Lana.
Shumica e këtyre banorëve janë në protestë prej shumë orësh dhe denoncojnë në media sjelljen e policisë. Një grua deklaron para kamerave se të arrestuar aktualisht janë 16 persona dhe mes tyre një fëmijë 12-vjecar, ajo deklaroj se është familjare e fëmijës së arrestuar.
Një tjetër banor deklaron se sjellja e policisë dhe e qeverisë është shumë e rëndë. Ai thotë se ata nuk janë lajmëruar më parë për largimin nga banesat deh qeveria nuk u ka dhënë atyre asgjë se ku do të shkojnë. Banori shprehu se një veprim të tillë nuk kanë bërë as agjentët e “Gestapos”.
Pranë banorëve të zonës është deputetja e Partisë Demokratike, Grida Duma e cila dëgjon problematikat e tyre.
Situata mes banorëve të Shkozës dhe institucioneve shtetërore dhe të pushtetit vendor është e tensionuar. Më herët në media është transmetuar një djalë i cili qan dhe i lutet policisë të mos arrestojnë prindërit e tij.
