Ka reaguar ne lidhje me protestën  në Rrugën e Kombit kundër taksës se vendosur nga qeveria, dhe kryetarja e LSI-së Monika Kryemadhi,

 Me anë të një postimi në rrjetin social “Facebook”, Kryemadhi shkruan se fatet e një kombi nuk mund të jenë pjesë e ‘lojërave perverse’ të një kryeministri.

Statusi i plotë

“Sot qytetarët e Kukësit dëshmuan qartas se fatet e një kombi nuk mund të jenë kurrsesi pjesë e lojërave perverse të një kryeministri të papërgjegjshëm.
Ata që kanë humbur besimin te drejtimi i qeverisë, tek ekonomia që po shkatërrohet sepse Edi Rama do të kënaqë orekset e oligarkëve, sot janë shumica dhe me të fortë se kurrë.
Revolta e tyre në Kukës është shenjë e qartë e fillimit të fundit për një qeveri që ka humbur besimin dhe mbështetjen, që po rrënon çdo ditë familjet shqiptare dhe që ndoshta sot mund të kuptojë që revolta ka qenë dhe mbetet fundi i çdo regjimi që sundon me dorën e krimit dhe korrupsionit”, shkruan Kryemadhi.