Presidenti i Shteteve të Bashkuara të Amerikës, Donald Trump, ka paralajmëruar politikanët e Teheranit. Ai tha se “mos të harrojnë se bota i ka nën vëzhgim”. Reagimi i Trump vjen menjëherë pas protestave antiqeveritare të mbajtura gjatë ditës së djeshme në Iran. Protestat e qytetarëve janë zhvilluar në gjashtë qytete të iraniane, ndërsa ka patur dhe thirrje të ndryshme.
“Ka shumë njoftime për protesta paqësore nga qytetarët iranianë kundër korrupsionit dhe kundër sponsorizimit të terrorizmit jashtë vendit nga ana e autoriteteve”-tha Trump, i cili tregon me vendosmëri qasjen e Shteteve të Bashkuara të Amerikës.
“Qeveria iraniane duhet të respektojë të drejtat e qytetarëve të saj, përfshirë të drejtën e protestës. Bota po vëzhgon”-përfundon Trump. Policia iraniane gjatë protestës antiqeveritare, ka shoqëruar disa persona, që dyshohen se kanë thyer rregullat dhe ligjet e vendit. Kryefjala e protestës ishte ndaj klerikëve, pasi edhe sloganet e protestuesve mbani mbishkrime kundër tyre.
