Në rrugët e kryeqytetit grek, Athinë, qindra protestues dolën në rrugë të pakënaqur me zgjidhjen e një mosmarrëveshjeje të gjatë për emrin midis Maqedonisë dhe Greqisë.
Ata u mblodhën jashtë selisë së parlamentit grek në sheshin “Sintagma” dhe shprehën pakënaqësi mbi marrëveshjen duke hedhur parrulla si “Maqedonia është Greqi”.
Parlamenti grek po diskuton marrëveshjen e qeverive dhe për miratimin e saj, gjysma e 300 deputetëve janë të majftueshëm.
Kryeministri maqedonas Zoran Zaev më herët tha në fjalimin e tij drejtuar kombit se kishte arritur një marrëveshje me palën greke sipas të cilës emri i ri kushtetues i Maqedonisë do të jetë Republika e Maqedonisë Veriore. Ai njoftoi se ai gjithashtu do ta çcojë çështjen në një referendum, në mënyrë që qytetarët të sqarohen për të. Ai gjithashtu theksoi se marrëveshja siguron daljen e Maqedonisë nga izolimi dhe që lejon perspektivën evropiane, stabilitetin dhe përparimin.
