Opozita e bashkuar do të protestojë sot përpara Parlamentit, kundër vendimit të maxhorancës për të zgjedhur vetëm me votat e saj një Prokuror të Përgjithshëm të Përkohshëm.
Ora 11:04 Tensionohet situata, perplasje protestues-polici
Tensione të forta gjatë protestës së opozitës. Pasi ka mbaruar fjalën kryetarja e LSI-se, Monika Kryemadhi, janë venë re përqasje mes protestuesve dhe policisë. Krahas kësaj janë hedhur tymyese, edhe ne selinë e PD-së.
Ne vend dëgjohen edhe ulërima te një vajze, te cilës raportohet se i ka rene te fiket.
Tymuese janë hedhur nga selia e PD-së, si edhe në oborrin e Kuvendit. Ndërsa mësohet se një polit i forcave “Shqiponja”, është goditur në kokë, ndërsa ka arritur ambulanca për t’u ardhur në ndihmë.
Ora 10:42/ Protestat e qete
Ndërkohë që protesta jashtë ambienteve të paralamentit vazhdon e qetë, brenda Kuvendit ka pasur edhe konfrontime fizike mes deputetëve të PD dhe gardës. Përveç forcave te Policisë, edhe FNSH-ja është në gatishmëri për të parandaluar tensionimin e situatës. Efektivët e FNSH-së janë fotografuar të ‘fshehur’ brenda ambienteve të xhamisë së Namazgjasë të gatshëm për të ndërhyrë, nëse do t’u kërkohet.
Ora 10:37 Deputetet e PD, fjalime para protestuesve
Ndërkohe që brenda Kuvendit vijon beteja politike e opozitës, jashtë sallës, deputetet demokrate kanë nisur fjalimet para protestuesve. Mes protestuesve duken parulla te shumta te opozitës, si këto me poshtë, me fotot ironizuese të PD-së për kryeprokurorin.
Ora 10:20 Deputetët e PD, i bashkohen qytetarëve
Një grup deputetësh të PD kanë lënë sallën e kuvendit dhe janë bashkuar grupit të protestuesve. Në foto shihet Paloka, Alibeaj dhe disa të tjerë.
Ora 09:53 Policia me qen anti-eksploziv
Polica ka nisur kontrollet rreth Parlamentit me qen anti-eksploziv. Ndërkohë kreu i Partisë Demokratike me një pjesë të grupit ka hyrë në Kuvend.
Ora 09:52/ Kryemadhi mesazh Ramës
Ne do të bëjmë detyrën si deputetë të Kuvendit të Shqipërisë. Votat ata i kanë, nëse duan ta rrëmbejnë le ta rrëmbejnë, por shqiptarët nuk i rrëmbejnë dot. Është e kotë të flasësh për Ramën, ai nuk ka logjikë sepse po shkel Kushtetutën.
Ora 09: 45/ Basha i drejtohet Kuvendit
Pas mbledhjes së grupit të PD-së Basha dhe deputetët i janë drejtuar Kuvendit. Ndërsa ka kaluar përpara protestueseve, Basha i ka përshëndetur me dy gishtat, pro ata nuk kanë qenë të vëmendshëm ndaj gjestit të kryedemokratit dhe nuk kanë shpërthyer në ovacione.
Ora 09:38/ Basha mbledh grupin e PD
Kreu i PD-sw, Lulzim Basha ka mbledhur para nisjes se protestës grupin parlamentar të PD-së. Ne mbledhje pritet te jepen direktivat e fundit te kryedemokratit për protestën e sotme te opozitës.
Ora 09:30 Përgatitjet e policisë
Policia ka rrethuar parlamentin, duke bërë një kordon të pakalueshëm. Nga fotot që kemi mundur të sigurojmë shihet që policët e rreshtit të parë, janë të pajisur me kamera. Kamerat në trup në rreshtin e parë mendohet të jenë për të filmuar çdo veprim që do të bëhet nga protestuesit.
Ora 08:40/ Basha hyn ne selinë e PD
Kryedemokrati Lulzim Basha ka hyre në selinë e PD-së, ku mësohet se do të bëjë një mbledhje të shkurtër me grupin e tij parlamentar, para se t’u bashkohen dhe të udhëheqin protestuesit.
Ora: 08:00
Pas thirrjes se opozites, nisen protestuesit nga rrethet drejt Tiranes, ku do te protestojne se bashku kunder zgjedhjes se nje kryeprokurori vetem me votat e shumices.
Burime nga rrethet bejne me dije se protestues jane nisur me autobuse, por edhe shume me automjete private.
Keshtu mesohet se drejt Tiranes jane nisur mbeshtetes se opozites sot nga Fieri, Vlora, Korça, Lezha, Dibra etj.
“News 24” ben me dije se Dibra raportohet të jetë qyteti nga i cili janë nisur më shumë protestues, rreth 1500, nderkohe qe nga Shkodra janë nisur 1000.
