Gjykata e Tiranës ka liruar nga qelia 34 të arrestuarit e protestës së dhunshme të 8 janarit në selinë e PD-së. Mësohet se prokurori i çështjes deklaroi në sallë se brenda selisë së PD-së, nuk ishte gjetur asnjë gjë e paligjshme. Sipas akuzave që janë ngritur, rezulton se 11 nga të arrestuarit janë mbështetës të Bashës, dhe 23 të tjerë të Berishës.
Gjatë seancës, Prokuroria kërkoi për 29 persona masën “Detyrim paraqitje”, ndërsa për pesë të tjerë “Arrest shtëpie”, ndërsa gjykata vendosi për shumicën “Detyrim paraqitje” dhe për pjesën tjetër asnjë masë. Mes personave të arrestuar ka edhe qytetarë nga Kosova.
Protesta e thirrur më 8 janar nga ish-kryeministri Sali Berisha, shkaktoi dëme të shumta në selinë blu.
Berisha njoftoi se protestat do të vijojnë deri në largimin e Bashës, të cilin e cilëson si peng-kryetar.
