Kryetarja e LSI, Monika Kryemadhi teksa u bën sërish apel qytetarëve që të bashkohen në protestën e radhës organizuar nga opozita që do të mbahet më 8 korrik.
Përmes një postimi në “Facebook”, Kryemadhi njoftoi ndër të tjera se ditën e sotme ka komunikuar me të gjitha strukturat e LSI-së në të gjithë vendin. Sakaq, shtoi se ndjen entuziazëm në çdo familje shqiptare për ndryshimin e këtij sistemi.
“Sot, të shtunën në zyrë duke komunikuar me të gjitha strukturat e LSI-së në të gjithë Shqipërinë. E jashtëzakonshme fryma e qëndresës ndaj sistemit autokrat dhe qeverisë së krimit të organizuar dhe korrupsionit. Entuziazëm në çdo familje shqiptare për ndryshimin e këtij sistemi të kalbur. Ftoni familjarët, miqtë, shokët, të bëhemi të gjithë bashkë më 8 korrik. Gjatë pasdites vazhdojmë me takime në Tiranë”, shkruan Kryemadhi.
