Dalin detaje të reja lidhur me masat e marra nga Policia për protestën që do të mbahet nesër. Gazetari investigativ Artan Hoxha ka thënë se në rreshtin e parë të protestës do të qëndrojnë police femra, të paarmatosura, ndërsa ka theksuar se Gardës së Republikës i është kërkuar në mënyrë kategorike të mos shfaqet pasi ajo është e armatosur dhe prania e saj mund të krijojë tension.
“Në rreshtin e parë të protestës do të jenë kordonë me policie femra të paarmatosura. Gjithashtu i është kërkuar në mënyrë kategorike Gardës së Republikës që të mos shfaqet. Ngaqë garda është e armatosur shfaqja e saj do të krijonte tensione”, tha gazetari në emisionin ‘Java’ në RTSH.
Gjithashtu, Artan Hoxha ka thënë se Policia ka kërkuar që qytetarët të mos bllokojnë rrugën “Ismail Qemali” pasi aty do të pozicionohen rreth 700 trupa të Forcave Speciale:
“Është kërkuar nga Policia që të mos bllokohet Rruga ‘Ismail Qemali’ pasi aty do të pozicionohen Forcat Speciale. Do të jenë rreth 700 trupa të Forcave Speciale të cilët do të reagojnë vetëm nëse situata del jashtë kontrollit”.
