Gazetari Denis Dyrnjaja ka propozuar emrin e ish-deputetes Grida Duma, si kandidate për kryeministre. I ftuar në emisionin “360 Gradë” në RTV Ora, gazetari tha se brenda PD-së s’ka garë.
Ai madje ka shpërthyer ndaj kryedemokratit Basha, duke kërkuar që të ‘hapë krahun’, për promovimin e figurave të tjera brenda partisë.
“Gjynahe me pushtetin, ky është halli që kemi ne këtu. Atëherë hap krahun, le të vijë një figurë tjetër brenda partisë tënde që të jetë me kredite më të besueshme. Të mos jetë me katapulta. I referohem opozitës.
Pse mos jetë Grida Duma njeriu që të jetë nesër për kryeministre, pse të mos jetë dikush tjetër. Nëse ke 5 çështje që ti i ke mbi kurriz me pikëpyetje, hape krahun se po bllokon opozitën more zotëri. Hape krahun të vijnë të tjerët. Hap debatin brenda opozitës, hap strukturat që të ketë debat, të prodhohet reaksion politik. Është e uzurpuar PD, nuk ka garë brenda PD”.
