Zëdhënësja e Partisë Demokratike, Ina Zhupa, duke e demostruar me anë të dokumenteve, ka denoncuar një rast të lojëra të fatit, ku pas fshihet kryeministri Rama.
Ajo thotë se kryeministri Rama i ka dhënë monopolin e lojërave të fatit për 10 vite vëllait të Ministres së Shëndetësisë. Në reagimin e saj, Zhupa bën publik faktin se monopoli për lojërat e fatit, i është dhënë nga Rama për 10 vjet ish kompanisë APEX- AL me emër të ndryshuar edhe vëllait të ministres së tij të Shëndetësisë, Manastirliu, Alban Manastirliu.
Njoftimi
Monopoli për lojërat e fatit, në të gjitha hotelet e liçensuara me 5 yje, i jepet nga Rama për 10 vjet ish kompanisë APEX- AL me emër të ndryshuar edhe vëllait të Ministres së tij të Shëndetësisë Manastirliu, Alban Manastirliu!
Me 19 maj 2020, Autoriteti i Mbikqyrjes së Lojërave të fatit pranë Ministrisë së Ekonomisë dhe Finacave ka liçencuar të vetmen kompani në treg “ADRIA ENTERTAINMENT” sh.a (ish APEX-AL) që të ushtrojë veprimtarinë në fushën e lojërave të fatit në të gjitha ambjentet hoteliere të vleresuar me 5 yje.
Kompania “ADRIA ENTERTAINMENT” sh.a aktualisht zotërohet nga aksionerët: APEX Holding GmbH , GREEN LINE HOLDING , APEX Enterprise GmbH , WSI dhe “VLT Albania” sh.a (bashkim kompanie).
Pikërisht “VLT Albania” sh.a është kompani shqiptare me administrator z. Alban Manastirliu (vëllai i Ministres së shëndetësisë, bashkëpunëtores ndër vite të Edi Rames, Ogerta Manastirliu ) që ka në veprimtarinë e saj kryesore lojrat e fatit me “Adria Entertainment” sh.a .
Mbyllja e lojërave të fatit për t`i rihapur si monopol me lidhjet nepotike edhe me lidhjet klienteliste duket se ka qenë i vetmi qëllim i Ramës dhe i gjithë propagandës së tij kundra bixhozit.
