Zgjedhja e kryeprokurores së përgjithshme, Arta Marku, nga ana e mazhorancës me 69 vota në votimin e sotëm në kuvend, ka patur reagime të shumta.
Sipas Kushtetutës së Republikës së Shqipërisë, në nenin 148/a thuhet shprehimisht “Prokurori i Përgjithshëm zgjidhet me tre të pestat e anëtarëve të Kuvendit, mes tre kandidatëve të propozuar nga Këshilli i Lartë i Prokurorisë, për një mandat 7-vjeçar dhe pa të drejtë riemërimi”-shkruhet në Kushtetutë.
Sa i takon kësaj pike, duket qartë se veprimi për zgjedhjen e Markut, bie ndesh me rregulloren, pasi ajo është votuar me 69 vota, ndërsa sipas shënimit në Kushtetutë, ajo duhet të siguronte 84 vota që të përligjte hapat ligjore, që parashikohen në Kushtetuën e Republikës së Shqipërisë.
Veprimi i mazhorancës mbi bazën e këtij neni, nuk justifikon veprimet për betimin e Markut në krye të postit të kryeprokurorit të përkohshëm, por ka dhe një standard tjetër sa i përket ndryshimeve kushtetuese, por kush janë ato?
Dy qëndrime për postin e kryeprokurorit:
Për zgjedhjen e prokurorit ka patur dy interpretime; I pari lidhet me Këshillin e Monitorimit të Kuvendit dhe i dyti vjen nga EURALIUS dhe OPDAT.
Sa i përket numrit të votave që duhet të marrë kryeprokurori, sipas interpretimit të parë, numri i votave për t’u zgjedhur është 84, ndërsa propozimi i Euralius dhe UPDAT shprehet se zgjidhet me 36 vota. Por të gjithë shtrojmë pyetje se , a u shkel kushtetuta në votimin e sotëm në kuvend?
