Ka nisur sot seanca në shkallën e dytë të vettingut për prokurorin Besnik Cani. Ky i fundit, i përfaqësuar nga avokati Eduard Halimi ka kërkuar pezullimin e procesit të nisur ndaj tij.
Besnik Cani, i cili njëkohësisht është edhe anëtar i KLP-së, ka kërkuar pezullimin e çështjes ndaj tij pasi ka depozituar një padi në gjykatën Kushtetuese për përzgjedhjen e dy gjyqtarëve të çështjes Artan Hajdari dhe Luan Daci, duke bllokuar procesin.
Avokati i tij Halimi solli në vëmendje si argument për ndërprerjen e procesit faktin se SPAK ka regjistruar një hetim ndaj gjyqtarit Daci për “falsifikim”. Ai kërkoi që procesi të ndërpritet deri të jepet verdikti i Kushtetueses.
Njëkohësisht Halimi vuri në dijeni gjykatën se SPAK ka regjistruar një hetim për anëtarin Daci për akuzën e “falsifikimit”, ndaj edhe kërkoi pezullimin e procesit, derisa të shprehet Kushtetuesja, si edhe derisa të përfundojë, çështja e nisur ndaj Dacit në SPAK.
