Këshilli i Lartë i Prokurorisë (KLP) ka miratuar prokurorin Altin Dumani si drejtues të ri në Prokurorinë e Apelit të Krimeve të Rënda.
Përmes një votimi unanim Altin Dumani u caktua përkohësisht si drejtues në Prokurorinë e Apelit të Krimeve të Rënda.
Ai zëvendëson në këtë detyrë Artan Bajramin që u shkarkua nga KPK në kuadër të Vettingut.
Altin Dumani njihet si prokurori që ka pasur në dorë dosjen e “21 Janarit”, madje ishte ai që e apeloi çështjen në Gjykatën e Lartë, bashkë me kolegun Shkëlqim Hajdari.
Gjithashtu KLP miratoi caktimin e prokurorit Ardjan Nezha në Prokurorinë Pukë si dhe Rozeta Qirjaqi u caktua drejtuese në Prokurorinë e Apelit Korçë.
TIRANA TODAY
