Kryeministri Rama ka njoftuar se aktualisht në kantierin e ndërtimit të rrugës Qukës-Qafë Plloçë ka përfunduar puna në tre tunele.
Kreu i qeverisë shkruan me ironi se ky ishte një projekt i lënë në letra bakalli, dhe tashmë vazhdon intensivisht puna për ndërtimin e strukturave dhe mbushja e trasesë.
Teksa e ka demostruar me anë të fotove, Rama thotë se kanë përfunduar punimet në tunelet 1, 2 si dhe në tunelin 3 të daljes së emergjencës.
Statusi
🟢 Kantieri Qukës-Qafë Plloçë, në një tjetër rrugë të lënë rrugëve, ku tanimë kanë përfunduar punimet në tunelet 1, 2 si dhe në tunelin 3 të daljes së emergjencës🛣
Pas një odiseje të gjatë ribërjeje nga e para të projektit të lënë rrugëve në letra bakalli dhe ribërjeje të marrëveshjeve financiare, vazhdojnë intensivisht punimet për ndërtimin e strukturave dhe mbushjen e trasesë😊
