Dy adoleshente në Florida u arrestuan pasi dyshohet se ishin duke planifikuar të vrisnin 9 persona. Delaney Barnes dhe Solonge Green, të dyja 14 vjeçe janë lënë pas hekurave dhe akuzohen për nëntë vrasje me paramendim dhe tre akuza për rrëmbim. Kjo pasi një mësues i tyre gjeti një dosje ku ishin të shënuara ‘viktimat’.
Për disa ditë mësuesi i vëzhgoi vajzat pasi e kishte kuptuar që diçka nuk shkonte me to. Në dosjen ku ishin të shënuar detajet shkruante “mos e hap” dhe “Projekti 11/9”. Sipas autoriteteve, mësuesi gjeti tetë letra të shkruara me shkrim dore, ku përmendeshin armët dhe planet për të vrarë shokët e klasës.
Policia bën me dije se në shënime kishte informacione të hollësishme se si do të siguronin armët dhe si do të transportonin, varrosnin apo digjnin trupat e viktimave, shkruan CBS.
Vajzat kishin menduar edhe për veshjen që do të vishnin, ku kishin specifikuar që nuk duhet të kishin thonj apo flokë në momentin që do të vishnin ato rroba.
Ndërkohë administrata e shkollës nëpërmjet një postimi në Facebook njoftoi për ngjarjen, duke bërë të ditur se gjithë familjarët e përfshirë ishin vënë në dijeni. Teksa policia ka nisur investigimin, shënjestrat janë kontaktuar dhe do të ngrenë akuza ndaj dy vajzave./ Përshtati: Tirana Today
