Policia e Shtetit ka njoftuar se ka arrestuar dy persona në Berat, pasi akuzohen për prodhim dhe shitje të lëndëve narkotike. Ata janë të dy banues në Çepan të Skraparit dhe janë akuzuar pasi në bashkëpunim me njëri-tjetrin kanë kultivuar lëndë narkotike të llojit kanabis.
Sipas policisë, në pranga kanë përfunduar shtetasit me inicialet A.B, 40 vjeç dhe A.O, 29 vjeç, të dy banues në fshatin Çepan të Skraparit.
Materialet e ndalimit në ngarkim të këtyre shtetasve i kaluan Prokurorisë së Rrethit Gjyqësor Berat për veprën penale “Prodhim dhe shitje e lëndëve narkotike, e kryer në bashkëpunim”.
