Edhe ky Eurovizion nuk ka kaluar pa problematika. Mediat e huaja raportojnë se dy meshkuj kanë hyrë me forcë në zonën e mediave gjatë gjysmëfinales, por fatmirësisht nuk raportohet për të lënduar.
Nga të njëjtat burime mësohet se dy burra të paautorizuar kanë hyrë me forcë në qendrën e shtypit të Eurovizionit gjatë gjysmëfinales, të enjten, dhe kanë dëmtuar xhamat mbrojtës.
Duke iu referuar portalit suedez Aftonbladet, dy burra kanë hyrë me forcë pranë qendrës së shtypit, e cila ndodhet pranë stadiumit ku po organizohet festivali.
Ata kanë thyer një gardh me zinxhirë rreth dy metra të lartë, dhe më tej kanë hyrë në zonën e mediave përmes një daljeje të pambikëqyrur. Dy të paidentifikuarit filmuan qendrën e shtypit përpara se të pyeteshin nga stafi, dhe u larguan menjëherë nga ndërtesa.
