Ka mbërritur në Iran trupi i gjeneralit Qassem Soleimani që u vra nga forcat ajrore të SHBA në Baghdad.
Mediat ndërkombëtare shkruajnë se Soleimani është pritur si hero kombëtar, ndërsa Irani ka shpallur 3 ditë zie në të gjithë vendin.
Gjatë ditës së sotme do të ketë një shërbim funerali në qytetin verilindor të Mashdah, teksa të hënën trupi i gjeneralit do të transferohet në Teheran ku do i jepet dhe lamtumira e fundit.
Kujtojmë se ditën e djeshme u bënë homazhet në Baghdad, në kryeqytetin e Irakut ku ai vdiq bashkë me komandantin irakian Abu Mahdi al-Muhandis.
Soleimani u vra të premten në një sulm ajror të SHBA me urdhër të Trump.
