E hënë, 24 Janar, 2022
3.5 C
Tirana

Pritet riatdhesimi i 14 fëmijëve dhe 5 grave nga kampi famëkeq i Sirisë

Kryeministri Edi Rama deklaroi të shtunën nga Bejruti se 14 fëmijë dhe 5 gra shqiptare ishin shpëtuar nga kampi famëkeq Al Hol në Siri dhe pritet të kthehen të dielën në Shqipëri.

“Janë 14 fëmijë dhe pesë gra, pengje të kampit të ferrit… Unë jam këtu për t’i marrë fëmijët dhe gratë dhe për t’i kthyer nesër në atdhe,” tha Rama në një intervistë për Top Channel.

Ky është operacioni i dytë i shpëtimit i organizuar nga autoritetet shqiptare, pas riatdhesimit në tetor të vitit të shkuar të një gruaje dhe 4 të miturve nga kampi Al Hol, i drejtuar nga kurdët. Rama e konsideroi operacionin e shpëtimit të gjatë dhe të ndërlikuar dhe falenderoi për ndihmën shefin e sigurisë së Libanit, gjeneralin Abass Ibrahim.

Mbi 100 qytetarë shqiptarë u larguan drejt Sirisë në vitet 2012-2014 dhe u bënë pjesë e konfliktit të armatosur, fillimisht përkrah frontit Al-Nusra të Al-Qaedës dhe më pas në organizatën terroriste ISIS. Mes tyre ishin edhe mbi 13 gra dhe 31 fëmijë.

Me rënien e Shtetit Islamik pranverën e vitit 2019, mendohet se rreth 50 fëmijë dhe gra shqiptare ndodheshin në kampet e pengjeve të ISIS të ngritura në Siri, ku më i madhi është kampi Al Hol.  Prej vitit 2019, familjarët në Shqipëri i kërkojnë qeverisë shpëtimin dhe riatdhesimin e fëmijëve të pafajshëm.

Pas operacionit të fundit, është i paqartë numri i fëmijëve dhe grave shqiptare të mbetur në kampet siriane.

Sipas kryeministrit Rama, marrja e informacionit brenda kampit është shumë e vështirë, pavarësisht angazhimit të shërbimeve inteligjente.

“Tani që flasim, ne kemi mundur të tëheqim të gjithë ata për të cilët kemi informacion,” deklaroi Rama nga Bejruti./BIRN

- Reklama -

Më shumë nga kategoria




Të fundit

FSHF i nxori audio-përgjimin, Veliaj: U qëndroj një për një atyre që kam thënë!

Kreu i Bashkisë së Tiranës, Erion Veliaj ka reaguar pas publikimit të audio-përgjimit të publikuar sot nga Federata Shqiptare e Futbollit, në të cilën...

1100 mësues të infektuar, Ministrja e Arsimit flet për mbylljen e shkollave

Aktualisht në Shqipëri janë 1100 mësues të konfirmuar me Covid-19, dhe 1600 nxënës. Përpos situatës së rënduar me pandeminë, shtohet edhe frika për gripin...

Zgjedhjet e nxehta të 6 marsit, 10 pritshmëritë për 6 bashki

Nga: Roland Qafoku Vendimi për zgjedhjet e pjesshme lokale të 6 marsit më shumë duket si një pushim i detyruar i kërkuar nga trajneri në...

Recitoi mes dëborës/Meta: Vargjet e mia shqetësuan çunat e “Ballkanit të Hapur”

Kreu i Shtetit, Ilir Meta, është pyetur nga gazetarët sot për recitimin që bëri së fundmi në Korçë, ndërsa në qytetin juglindor kishte nisur...

Meta i përgjigjet “dhëmbë për dhëmbë” Ramës

Pa humbur kohë, presidenti Meta i është përgjigjur thumbave të kryeministrit Rama. Presidenti Ilir Meta i ktheu përgjigje deklaratave të Ramës, se më 6...