Pritej që ditën e sotme Andi Lila të firmoste me Kukësin dhe të bëhej pjesë e verilindorëve për sezonin e ri, por tashmë duket se çdo gjë ka marrë një rrjedhë komplet ndryshe.
“Panorama Sport” raporton se Lila e ka njoftuar klubin e Kukësit mbrëmjen e djeshme se nuk do të firmosë me ta. Kursi ka ndryshuar dhe lojtari i Kombëtares duket se është shumë pranë Tiranës. Emri i lojtarit është përmendur jo pak herë këtë verë në ambientet e klubit bardheblu dhe duket se marrëveshja tashmë do të mbyllet mes tyre.
