Mbrëmjen e djeshme, një ngjarje e paprecedentë ka ndodhur në Bulqizë, ku disa persona kanë qëlluar me armë ndaj Inspektorëve të Pyjeve të ardhur nga Tirana dhe nga Bulqiza.
Personat që kanë qëlluar drejt inspektorëve, dyshohet të jenë punëtor në minierat e Bulqizës, të cilët nxjerrin shtylla për të bërë trarët e galerive.
Por duke ditur se prerja e druve është e paligjshme, ata kanë dalë për të kryer aktivitetin gjatë natës në malin e Tërnovës.
Fatmirësisht nuk raportohet për të lënduar. Pasi kanë dëgjuar të shtënat, inspektorët kanë lajmëruar policinë e Bulqizës.
