Kreu i Lidhjes Demokratike të Kosovës Isa Mustafa ka filluar sot takimet me kryetarët e partive për të kërkuar mbështetjen e tyre për mocionin e mosbesimit ndaj qeverisë.
Sipas raportimeve të mediave kosovare, lideri i parë me të cilin Mustafa ka nisur takimin është ai i AAK-së, Ramush Haradinaj.
Aktualisht po zhvillohet takimi mes dy aktorëve politikë në njërin nga hotelet e Prishtinës.
Kujtojmë se ditën e sotme LDK-ja pritet të nisë mbledhjen e nënshkrimeve për mocionin e mosbesimit ndaj Qeverisë Kurti, kjo pas shkarkimit të ministrit Agim Veliu.
