Kryetari i Partisë Bashkimi Liberal Demokrat, Arian Starova, i cili ishte pjesë e koalicionit të PD-së në zgjedhjet e 25 prillit, ka komentuar deklaratën e kreut të SPAK Arben Kraja, se pret indicie nga SHBA-të për të nisur hetimet për personat e shpallur non grata.
Sipas Starovës, me këtë deklaratë, Kraja ka konfirmuar faktin se nuk SPAK nuk ka dosje akuzuese për korrupsion në vendin tonë.
Starova shtoi se Kraja, ndoshta edhe padashur ka dëmtuar seriozisht marrëdhëniet shqiptaro-amerikane, dhe ndjenjat e shqiptarëve për SHBA-të.
”Arben Kraja sot ne Kuvend ka thene se pret materiale akuzuese nga ShBA per hetimet e tij te ardheshme te rendesishme. Pra, nuk paska dosje akuzuese per korrupsion ne Shqiperi per zyrtare te larte ??!!
Bashke me kete qe ka thene sot, ai ndoshta, padashur, ka deshmuar per nje te vertete te pamohueshme ne lidhje me ca pseudoakuza qe leshohen me naivitet te vijne verdalle ne formen e thashethemeve duke demtuar seriozisht marredheniet shqiptaro-amerikane dhe ndjenjat e shqiptareve per ShBA-ne te cilet e kane pare perhere ate si “Zot ne Toke”, krahas Zotit te Qiellit.
Me e pakta qe mund te thuhet eshte se nuk po kuptojme se cfare po ndodh me nderkombetaret qe heshtin perballe korrupsionit dhe veprimeve te tjera te paligjshme te qeverise se sotme shqiptare.’’, shkruan Starova në rrjetin social, Facebook.
