Në Shtetet e Bashkuara të Amerikës ka filluar gjyqi ndaj presidentit aktual Donald Trump. Ai është nën akuzë nga Dhoma e Përfaqësuesve e udhëhequr nga demokratët, të cilët e akuzojnë për abuzim me pushtetin dhe pengim të punës së Kongresit.
Nga ana tjetër, Trump ka komentuar gjyqin ndaj tij. Ai u shpreh i takon senatit të vendosë për rregullat sesi do të zhvillohet gjyqi, megjithatë presidenti shprehu dëshirën që ky gjyq të bëhej me dëshmitarë. Gjë që duket e pamundur, pasi një pjesë e mirë e diskutimeve prek çështje të sigurisë kombëtare.
Trump akuzohet se ka pezulluar ndihmën ushtarake në vlerë të 400 milionë dollarëve për Ukrainën, dhe ftesën për vizitë në Shtëpinë e Bardhë për presidentin e ri ukrainas, Volodymyr Zelenskiy, duke i kërkuar Kievit që të nisë hetime kundër rivalit të tij politik, demokratit, Joe Biden.
