Presidenti rus, Vladimir Putin ka marrë dozën e tij të parë të një vaksine anti-Covid. Lajmin për vaksinimin e Putin e ka bërë të ditur zëdhënësi i tij, Dmitry Peskov, shkruan The Guardian.
Ai tha se Kreu i Kremlinit pas vaksinimit është mirë dhe se nesër do të shkojë në punë.
“Putini është vaksinuar kundër koronavirusit. Ai ndihet mirë. Nesër ai ka një ditë të plotë punë, ”tha Peskov.
Peskov kishte shpjeguar më herët pse Putini nuk do të vaksinohej live përballë kamerave dhe se gazetarët do të duhet të “besonin fjalës së tij” se kjo kishte ndodhur.
“Presidenti tashmë ka bërë shumë për të popullarizuar vaksinën. Sa i përket vaksinimit live, ai kurrë nuk ka qenë adhurues i kësaj, nuk i pëlqen kjo.”, u shpreh ai.
Që nga fillimi i pandemisë deri tani në Rusi janë regjistruar 4,474,610 persona me Covid, ndërsa 95,818 të tjerë kanë humbur jetën.
