Presidenti Ilir Meta ka firmosur dekretin për emërimin e vakancës së tij të dytë në Gjykatën Kushtetuese. Kreu i Shtetit ka emëruar Marsida Xhaferllarin si gjyqtare të Gjykatës Kushtetuese.
Kujtojmë se Meta dekretoi më herët Besnik Muçin si anëtar të GJK-së dhe refuzoi emërimin e Arta Vorpsit si anëtare te dytë. Më pas Parlamenti, e kualifikoi automatikisht Vorpsin si anëtare me të drejta të plota.
Deri më tani, Gjykata Kushtetuese përbëhet nga gjashtë anëtarë: Vitore Tusha, e vetmja që kaloi vettingun; Besnik Muçi, ende nuk e ka kaluar vettingun; Arta Vorpsi; Elsa Toska; Fiona Papajorgji dhe Marsida Xhaferllari.
