Presidenti i KiE-së, Charles Michel deklaroi nga Tirana, ku do të mbahet dhe samiti i BE-Ballkani Perëndimor se mbështesin rajonin. Ai theksoi se e ardhmja e fëmijëve të rajonit do të jetë e sigurtë, duke shtuar se reformat janë të nevojshme.
“Ky do të jetë një takim i rëndësishëm, simbolik. Hera e parë që ndajmë një samit të BE-së në një prej vendeve të Ballkanit. E ardhmja e fëmijëve tanë do jetë më e sigurtë me Ballkanin Perëndimor pranë BE-së. Sot do të nënshkruajmë një marrëveshje për tarifat Roaming”, tha ai.
Në stadiumin “Air Albania” kanë mbërritur 27 liderë evropianë dhe 44 delegacione. Për shkak të samitit janë bllokuar disa akse rrugore. Bllokimi i akseve është pjesë e protokollit të sigurisë dhe masave të marra nga Policia e Shtetit, dhe është vënë në zbatim që një ditë para samitit.
