Presidenti i Bjellorusisë, Alyaksandr Lukashenka, shprehet se e ka kaluar koronavirusin pa e kuptuar se ishte infektuar.
Ai tha para trupave të Ministrisë së Brendshme në Minsk se nuk ka pasur simptoma dhe e ka kaluar pa pasur nevojë të shtrohet në spital.
“Kërkoj falje për zërin tim. Duhet të flas më ngadalë. Por, çuditërisht, ju tani po takoni një person që ka arritur ta tejkalojë koronavirusin në këmbë. Kjo është ajo që konstatuan mjekët dje. Unë isha asimptomatik”, tha ai.
Lukashenka vazhdimisht i ka minimizuar shqetësimet për rreziqet e sëmundjes, duke e cilësuar frikën nga pandemia si “psikozë”.
