Në fjalimin e tij për ditën e Krishtlindjes, presidenti gjerman Frank-Walter Steinmeier ka shfaqur pozitivitet përsa i përket çështjes së koronavirusit në Gjermani.
“Ne ende kemi një rrugë të gjatë e të mundimshme përpara nesh. Mirëpo ne shohim që drita e shumëpritur në fund të tunelit po rritet. Ne po i afrohemi fundit të krizës, hap pas hapi”, ka thënë ai duke i vënë rëndësi nisjes së fushatës së vaksinimit të dielën në shtetin gjerman.
Steinmeier e ka përshkruar këtë kohë pandemie me pasoja shoqërore dhe personale.
Gjithashtu ai ka përmendur dhe një pakicë të qytetarëve gjerman që dolën kundër masave izoluese, por që është i lumtur që shumica janë të vetëdijshëm sesa këto masa ndihmojnë në parandalimin e përhapjes së virusit.
