Teksa Komisioni Hetimor Parlamentar për shkarkimin e Presidentit Metës është duke raportuar gjetjet për shkelje që sipas tyre Metai ka bërë, ka reaguar presidenca me anë të zëdhënësit Tedi Blushi.
Blushi shkruan se shqetësimi lidhur me shkarkimin e Presidentit nga ky komision është zero.
Reagimi i Tedi Blushit:
Asnjë koment dhe zero shqetësim për çdo vendim nul apo veprimtari antikushtetuese dhe antiligjore të Kuvendit njëpartiak, që tenton me dëshpërim të shmangë vëmendjen nga debati publik për krimet e faktuara zgjedhore të 25 prillit, autorët dhe frymëzuesit, tutorët dhe bashkëpunëtorët e tyre, të angazhuar në këtë farsë kundër të vetmit institucion, që respekton dhe mbron Kushtetutën e Republikës së Shqipërisë dhe sovranitetin e saj.
Presidenti i Republikës Sh.T.Z Ilir Meta do të vazhdojë të ushtrojë detyrën e Tij deri më 24 korrik 2022, me të njëjtën përgjegjësi të lartë, vetëm në respekt dhe mbrojtje të Kushtetutës dhe interesit kombëtar.
